تعالو بصوا انا بفرد شعر

بصوا بقى لان الطريقه دي كمان هتنفع معاكم انا عملتها من كام يوم واذا بي كل ما اقابل حد في العماره الاقيه عاملها دايخةمن العيال والستات طبعا يمكن عشان اللي ينزل الشارع ويتوه ويلاقوه عامل كده في شعره يرجعوه على نفس العماره

انا اتكلم انا انا انابصوا وركزوا معايا لانها سهله وهبله وعبيطه هتعمليها في ثانيه ولا راس توجع ولا حاجه وسريعه بس دي على الماشي كده لما تبقي مكسله ومش قادره تلفي شعرك بالذات البنات الصغيرين محرجة

اقسمي شعرك نصين او من الجنب المهم احنا مش هنختلف وسرحيه كويس حاولي بمشط اسنانه ضيقه عشان بيفرد احسن ونعالي كده اعملي قطتين يعني كل جنب لميه باستك او توكه وامسكي كل قطه او ناحيه مربوطه في التوكه واعملي بيهم علامة اكسxمن ورا يعني كل ناحيه امسكيها ومشيها من ورا عند لا مؤاخذه افاكي رقبتك يعني يلف لحد ما يجي على قدام وتحطي بنستين ثبتيه والقطه او الناحيه التانيه لفيها من ورا برده عكس الناحيه الاولىومشيها من ورا افاكي لحد ادام برده ببنستين
يالهوي انا نفسي مفهمتش اللي قولته.......طب حد فهم يفهمنا كلناسعيدة قوي

باختصار امسكي الناحيتين ولفيهم من ورا عكس بعض وبنسه كده وبنسه كدا هوه وتخلصي وفكيه بقى بعد شويه لما ينشف كويس واتفرجي مفرود وجميل وسهل وعلى فكره بنتي بتنام بيه كده من غير ايشارب علشان التوك من الناحيتين مظبطه الدنيا
انا كمان مش بقيت اكسل انتم عارفين انا قلت قبل كده انا لما بكون عايزه شعري حلو اكنه مكوي الاول لازم الفه على رول كبير ولما ينشف خااااالص الفه طقيه
لكن طبعا ده في المواسم والاعياد مبروك عيد الميلادوكنت بكسل والمه بعد الشاور الاقيه كتكت ويبقى هاين عليا اجيب باكتة مناديل وابيعها في الاشاراتفلوس ....هههههههههه
لذلك الطريقه دي احسن من بلاش صحيح مش نفس النتيجه المبهره لاني اصلا شعري مش ناعم اتش دبور
لكن اللي شعرهم ناعم ومموج او فيه كسره والله هيدعولي والله قابلت بنت جارتي هوباااااماشاء الله مامتها كانت مبسوطه قوي وقالتلي الطريقه عجبتها قوي عشان في السريع ونتيجتها حلوه بالذات اللي شعرهم اصلا ناعم بس مكسر او مموج
وشرحه مع جارتي التانيه قابلتني ومبسووووووووووووووووووطه قويهييه هييه
انا لما لقيتهم مبسوطين قلت لا بقى مبدهاش ده محتاج موضوع وانتم عارفين انا اموت في الرغي واللت والعجن
بس اللي مش هتقيم برافوهزعل بقى عشان انا بديكم عصارة تجاربي واللي هتكسل والمحها خارجه بتتسحب هلف وراها في كل المواضيع لحد ما اجيبها من افاها ههههههههههههه
انا بهزر معاكم
سلالالالالالالالالام على بال ما نتقابل تاني

العفو وشكرا لعى مرورك